A Cooperativa Erica Mel naceu no ano 1990 pola iniciativa dun pequeno grupo de apicultores integrados na Asociación Galega de Apicultura-AGA que, convencidos da extraordinaria calidade dos seus produtos apícolas, buscaron xuntos a mellor vía para facelos chegar ao consumidor. Nestes comezos a aportación dos coñecementos e o esforzo persoal dos socios foi determinante. A capacidade ilusionante daquel proxecto, o traballo e a constancia desembocan hoxe nunha cooperativa integrada por mais de 250 socios que da emprego a tres persoas e vende os seus produtos en nun ámbito autonómico e mundial.
O nome da cooperativa é un recoñecemento á erica (queiroga), a planta melífera galega por excelencia. Está moi extendida polos nosos montes e, dende tempos inmemoriais é a fonte máis xenerosa dos noso meles escuros, que tanta sona alcanzan alén da nosa comunidade. A súas cores características, que van dende o branco da variedade arbórea ate o fermoso violeta da cinérea, enchen de viveza as zonas silvestres donde florecen.
De todas as socias e socios, máis dun cento de apicultoras e apicultores comercializan cada ano sobre uns 100.000 quilogramos de mel, que vai ao mercado envasado como mel multifloral e monofloral para todo o mundo.Erica Mel tamén elabora e comercializa unha liña de produtos I+D: mel crema e derivados, con boa demanda por aquelas persoas consumidores que confían nas propiedades terapéuticas dos produtos das abellas.